தமிழின எழுச்சி

சிங்கள அரசு
சிதைத்தது கட்டிடங்களையும்
கட்டுடல்கையும் மட்டுமல்ல
கண் திறந்து
மண் தொடாத பிஞ்சுகளையும்
எஞ்சிய குழந்தைகளின்
பசி தீர்க்க முடியாமல்
தாய்மார்களின் நெஞ்சுகளையும்..............

தமிழன் எனும் மறவனை
மரத்தை போல கருக்கி
விட்டதை எண்ணி
அந்த கரி(றி) மேட்டில்
அவர்கள் வெற்றி கொடியை
அசைக்கிறார்கள்
வெகு விரைவில் எழும் ஈழம்
அவர்கள் முகத்தில்
கரியை பூசும்...........

நம் எழுச்சி
ஆயுதத்தால் அல்ல
அணு ஆயுதத்தால் அழிந்த
ஹிரோஷிமா, நாகசாஹி- ல்
ஏற்பட்ட விஞ்ஞான புரட்சியாக
இருக்க வேண்டும்
அதற்காக
உழைப்போம்
உயர்வோம்
முயன்றதை விதைத்து
விண்மீன் பறிக்க முயல்வோம்.............

அனுபவங்கள்

அனுபவங்கள் உலகின் தலை சிறந்த ஆசான்கள்
அது கற்று தரும் பாடங்கள் பல
சிலநேரம் இலவசமாய்
ஆனால் சில நேரம்
அது நம்மிடம் இருந்து
விலை மதிப்பற்ற
பொருளை எடுத்து கொள்கிறது
தட்சணையாக

கைக்குட்டைகள்

தொலைந்து போன
உன் கைக்குட்டைகள்
ஒன்று சேர்ந்து
என் தலையணையாக
மாறி இருப்பதை
நீ அறிந்திருக்க மாட்டாய்